Урматтуу кыргызстандыктар!

Жаратылыштын жаңылануусу жана тазаруусу менен келген Нооруз - жаз майрамы менен чын жүрөктөн куттуктайбыз!

Нооруз - кылымдарды карыткан майрамдардын бири. Миңдеген жылдар өтсө да, аны майрамдоо салттары муундан муунга өтүп келүүдө. Ал жашоонун жана сүйүүнүн өзгөрүлбөс символу.

Бул күн силер үчүн жакшылыктын жана молчулуктун башаты болушун каалайбыз. Ар бирибиздин жүрөгүбүздө жакшылыктын, биримдиктин, бир туугандыктын сезими согуп турсун.

Ушул күнү үйүңүздөргө кут конуп, ишиңиздерди ийгиликтер жылоолоп, үй-бүлөңүздөргө бакыт-таалай алып келсин.