18-июнда Украинанын Тышкы иштер министри Дмитрий Кулеба Анталия Дипломатиялык Форумунун алкагында Кыргыз Республикасынын Тышкы иштер министри Руслан Казакбаев менен жолугушту.

Маектешкендер Украина менен Кыргызстандын ортосундагы саясий диалогду бекемдөө, экономикалык чөйрөдөгү биргелешкен долбоорлорду ишке ашыруу, соода жүгүртүүнү көбөйтүү жана жарандардын ортосундагы байланышты жандандыруу маселелерин талкуулашты. Министрлер ушул жылы тышкы иштер министрлеринин орун басарларынын деңгээлинде саясий консультацияларды өткөрүүнү макулдашты.

Эл аралык уюмдардагы өз ара аракеттенү жөнүндө өзүнчө баарлашуу болуп өттү.