• A-
    A+
  • Русский
  • Українською
  • Кыргыз
Украинага кирүүнүн жана өзүн изоляциялоонун, байкоо жүргүзүүнүн тартиби жөнүндө маалымат
31 декабря 2020 06:15

Карантин учурунда Украинага кирүү жана Украинанын убактылуу оккупацияланган Донецк жана Луганск облустарындагы аймагына, Украинанын Крым Автономдук Республикасында жана Севастополь шаарында убактылуу оккупацияланган аймагына көзөмөлдөө пункттары аркылуу кирүү жана чыгуу тартиби, 

ошондой эле обочолонуу, обсервация боюнча талаптар жөнүндө

Маалымат

(2020-жылдын 19-декабрынын саат 00:00дөн баштап күчүнө кирет)

 

Украинага кирүү үчүн мамлекеттик чек арадан өтүү тартиби

Украинанын мамлекеттик чек арасынан Украинада катталган камсыздандыруу компаниясы же Украинада өкүлчүлүгү бар же Украинанын аймагында өнөктөш -камсыздандыруу компаниясы менен келишимдик мамилеси бар (ассистанс) чет өлкөлүк камсыздандыруу компаниясы тарабынан берилген, COVID-19 дарылоо, обочолонуу менен байланышкан чыгымдарды жапкан жана Украинада болгон мезгилге жарактуу болгон камсыздандыруу полиси (күбөлүк, сертификат) бар чет өлкөлүктөр жана жарандыгы жок адамдар өтө алышат.

Мындай камсыздандыруу полиси (күбөлүк, сертификат) төмөнкүлөрдөн талап кылынбайт:

- Украинанын аймагында туруктуу жашаган чет элдиктер жана жарандыгы жок адамдар;

- качкын деп таанылган адамдар же кошумча коргоого муктаж болгон адамдар;

- Украинада аккредитацияланган чет мамлекеттердин дипломатиялык өкүлчүлүктөрүнүн жана консулдук мекемелеринин, расмий эл аралык өкүлчүлүктөрүнүн, уюмдардын кызматкерлери жана алардын үй-бүлө мүчөлөрү;

- деңиз жана дарыя кемелеринин экипаж мүчөлөрү;

- Куралдуу Күчтөрдүн бөлүктөрүнүн машыгуу иштерине катышкан НАТОнун мүчө-мамлекеттеринин жана НАТОнун «Тынчтык үчүн өнөктөштүк» программасынын катышуучу-өлкөлөрүнүн аскерлери (аскер бөлүктөрү).

COVID-19 кеңири таралган өлкөлөрдөн Украинага келген саякатчылардын бардык категориялары үчүн (Украинанын жарандары, чет өлкөлүктөр жана жарандыгы жок адамдар), ошондой эле ал өлкөлөрдүн жарандары (субъекттери) болгон чет элдиктер үчүн обочолонуунун жалпы талабы аныкталган.

Обочолонуу талабы төмөнкү категориядагы адамдарга жайылтылбайт, эгерде алар COVID-19 менен ооруган адам менен байланышта болгон деп эсептөөгө негиз жок болсо:

1) 12 жашка чейинки балдар;

2) Украинага жогорку окуу жайларында окуу максатында келген адамдар;

3) COVID-19 кеңири таралган мамлекеттердин жарандары (субъекттери) болгон, бирок акыркы 14 күндүн ичинде ал мамлекеттердин аймагында болбогон адамдар же Украинанын аймагы аркылуу транзит менен кеткендер жана эки күндүн ичинде чет өлкөгө чыккандыгын тастыктаган документтери бар жарандар;

4) Украинада аккредитацияланган чет мамлекеттердин дипломатиялык өкүлчүлүктөрүнүн жана консулдук мекемелеринин, расмий эл аралык өкүлчүлүктөрүнүн, уюмдардын кызматкерлери жана алардын үй-бүлө мүчөлөрү;

5) жүк ташуучу машиналардын айдоочулары жана экипаж мүчөлөрү, туруктуу ташууларды аткаруучу автобустар, аба, деңиз жана дарыя кемелеринин экипаж мүчөлөрү, поезд жана локомотив бригадаларынын мүчөлөрү;

6) жүк ташуучу машиналардын айдоочулары жана / же экипаж мүчөлөрү, туруктуу ташууларды аткаруучу автобустар, аба, деңиз жана дарыя кемелеринин экипаж мүчөлөрү, поезд жана локомотив бригадаларынын мүчөлөрү;

7) маданий мекеменин чакыруусу боюнча келген маданий ишмерлер жана алардын ар бирин коштогон бир адам;

8) трансплантациялоо үчүн гемопоэтикалык өзөк клеткаларын ташууну жүзөгө ашыруучу адамдар;

9) чек арадан өткөнгө чейин 48 сааттан ашык эмес алынган, COVID-19дан таза экендигин тастыктаган ПЦР анализинин жыйынтыгы бар адамдар.

Акыркы 14 күндө калктын 100 миңинен COVID-19 катталган адамдардын саны Украинадагы сандан ашса, ал өлкө COVID-19 кеңири таралган өлкө деп аныкталды.

COVID-19 кеңири таралган өлкөлөрдүн тизмеси Саламаттыкты сактоо министрлиги тарабынан түзүлүп, 7 күндө бир жаңыртылып турат (бул өлкөлөрдүн тизмеси 11.12.2020-ж. тарта Украинанын Саламаттыкты сактоо министрлигинин сайтында жайгашылат: https://moz.gov.ua/article/news/informacija- schodo-kilkosti-aktivnih-vipadkiv-covid-19-na-100-tis-naselennja-stanom-na-).

Донецк жана Луганск облустарындагы, Крым Автономдук Республикасында жана Севастополь шаарындагы убактылуу оккупацияланган аймактарда, мамлекеттик чек ара же көзөмөлдөө пункттары аркылуу кирип жана чыгышына байланыштуу обочолонууга мажбур болгон адам, "Үйдө" мобилдик тиркемени орнотуп, иштетиши керек.

Эгерде тиркемени орнотуу мүмкүн болбосо, адам обсервацияга алынышы зарыл.

 

Көзөмөлдөө пункттары аркылуу кирүү/чыгуу тартиби

Украинанын Министрлер Кабинетинин 04.06.2015-ж. № 367 токтому менен бекитилген Украинанын убактылуу оккупацияланган аймагына кирүү жана андан чыгуу тартибинин жоболоруна ылайык, убактылуу оккупацияланган Донецк жана Луганск облустарындагы аймактарга адамдардын кириши, жүктөрдү ташуу жана адамдардын чыгышы,  мындай аймактардан товарларды ташуу жөнүндө Украинанын Министрлер Кабинетинин 17.07.2019-ж. № 815 токтому менен бекитилген жоболорго ылайык, Украинанын Донецк жана Луганск облустарындагы убактылуу оккупацияланган аймагына, Украинанын Крым Автономдук Республикасында жана Севастополь шаарындагы убактылуу оккупацияланган аймагына көзөмөлдөө пункттары аркылуу (мындан ары - кирүү / чыгуу пункттору) кирүү жана андан чыныш үчүн, чет өлкөлүктөрдө жана жарандыгы жок адамдарда Украинада катталган камсыздандыруу компаниясы же Украинада өкүлчүлүгү бар же Украинанын аймагында өнөктөш -камсыздандыруу компаниясы менен келишимдик мамилеси бар (ассистанс) чет өлкөлүк камсыздандыруу компаниясы тарабынан берилген, COVID-19 дарылоо, обочолонуу менен байланышкан чыгымдарды жапкан жана Украинада болгон мезгилге жарактуу болгон камсыздандыруу полиси (күбөлүк, сертификат) болушу зарыл.

Обочолонуу, обсервация жана аларды токтотуунун негиздери

Мамлекеттик чек арадан өткөн же кирүү / чыгуу пунктунан өткөн адамдар "Үйдө" мобилдик тиркемени орнотуп обочолонууга мажбур, мамлекеттик чек арадан же кирүү / чыгуу пунктунан өткөн учурдан тартып, обочолонуунун мөөнөтү 14 күндү түзөт.

Обочолнууга мажбур адамдар, алар тарабынан аныкталган обочолонуу жерде дайыма болууга, алар менен чогуу жашаган адамдардан башка адамдар менен байланышуудан алыс болууга милдеттүү.

Жаран, мобилдик тиркемени колдонуп, ага аторизацияланган учурдан тартып, көзөмөл жүргүзүүнү тандаган деп эсептелет. Уруксат берилген учурга чейин, көзөмөлдү Улуттук полициянын, Улуттук гвардиянын, Саламаттыкты сактоо министрлигинин эпидемиологиялык тармагындагы мамлекеттик кызматкерлери, кызмат адамдары, жергиликтүү өз алдынча башкаруунун ыйгарым укуктуу органдары жүргүзүшөт.

Мобилдик тиркеме аркылуу көзөмөл маалымат жыйындысын колдонуу менен жүргүзүлөт, атап айтканда, адамдын жүзүнүн сүрөтүнүн мобилдик тиркемени орнотуу учурунда тартылган сүрөтүнө дал келүүсү текшерилип, жана сүрөткө тартуу учурунда уюлдук телефондун геолокациясын текшерүү жолу менен жүзөгө ашырылат.

Мобилдик тиркеме орнотулгондон кийин күндүн каалаган убагында билдирүү (push-билдирүү) келет. Эгер билдирүү келсе, жаран 15 мүнөттүн ичинде мобилдик тиркеме аркылуу жүзүн сүрөткө тартып жөнөтүшү керек.

Геолокациянын же сүрөттүн дал келбестиги, мобилдик тиркеме аркылуу адам менен байланыштын жоктугу, өчүрүлүп, мобилдик тиркеме аркылуу маалыматтын берилишине чектөө коюлган учурда, обочолонуу милдети бузулгандыгы жөнүндө Улуттук полицияга кабар берилет. Жөнөтүлгөн билдирүү Улуттук полиция жана Улуттук гвардия тарабынан обочолонуу милдети аткарылышын андан ары көзөмөлдөө үчүн негиз болуп саналат.

Улуттук полицияга билдирүү жөнөтүлүшү, адамды карантиндик эрежелерди бузгандыгы үчүн административдик жоопкерчиликке тартуу үчүн өзүнчө негиз боло албайт.

Эгерде, адам мамлекеттик чек арадан же кирүү/чыгуу көзөмөл пункттарынан өтүшүнө байланыштуу обочолонуунун шарттарын (анын ичинде мобилдик тиркемени колдонууну) милдетин аткара албаса, анда ал обсервацияга алынат.

Чет өлкөлүктөрдүн жана жарандыгы жок адамдардын обсервациясы менен байланышкан чыгымдар (Украинада туруктуу жашаган чет өлкөлүктөрдөн, жарандыгы жок адамдардан жана качкын деп таанылган адамдардан же кошумча коргоого муктаж адамдардан тышкары) камсыздандыруучу тарабынан камсыздандыруу полисине (күбөлүгүнө, сертификатына) ылайык төлөнөт же обсервациядагы адам өзү төлөйт.

Мамлекеттик чек арадан же кирүү/чыгуу көзөмөл пункттарынан өтүүгө байланыштуу обочолонуу, обсервация, мамлекеттик чек арадан же кирүү/чыгуу көзөмөл пункттарынан өткөндөн кийин алынган, ПЦР ыкмасы менен COVID-19 үчүн тесттин терс жыйынтыгы чыккан учурда токтотулат.  

Outdated Browser
Для комфортної роботи в Мережі потрібен сучасний браузер. Тут можна знайти останні версії.
Outdated Browser
Цей сайт призначений для комп'ютерів, але
ви можете вільно користуватися ним.
67.15%
людей використовує
цей браузер
Google Chrome
Доступно для
  • Windows
  • Mac OS
  • Linux
9.6%
людей використовує
цей браузер
Mozilla Firefox
Доступно для
  • Windows
  • Mac OS
  • Linux
4.5%
людей використовує
цей браузер
Microsoft Edge
Доступно для
  • Windows
  • Mac OS
3.15%
людей використовує
цей браузер
Доступно для
  • Windows
  • Mac OS
  • Linux