Украинанын Тышкы иштер министрлиги Симферополдогу Князь Владимир жана Ольга апостолдордун Кафедралдык Соборунан Украинанын Православдык чиркөөсүнүн жамаатын чыгарылганын айыптайт.

Оккупациялык бийликтин бул чечими убактылуу оккупацияланган Крымда украин православдык жамаатын системалуу түрдө куугунтуктоо саясатын көрсөтөт. Мындан бир жума мурун, Россиянын оккупациялык администрациясы Евпаториядагы чиркөөнү бузуу жөнүндө буйругун УПЧнүн Архиепископу Климентке тапшырган. Былтыр, март айында, оккупациялык бийлик Архиепископ Клементти негизсиз кармалган, апрель айында анын өтүнүчү боюнча жергиликтүү диний уюмду каттоодон баш тарткан, июнь айында учурдагы чиркөө жайгашкан имаратты ижарага берүү келишимин бузууну чечкен, июль айында имаратты оңдойбуз деген шылтоо менен чиркөөнүн епархия башкармалыгынын бардык мүлкү уурдап кетишкен.

Крымдагы украин православдык жамаатына каршы куугунтук убактылуу оккупацияланган аймактардагы украиндердин улуттук өзгөчөлүгүнүн жок кылууга багытталган жана Крымдагы Москванын көзөмөлүндө болбогон бардык диний жамааттарды кысымга алуу саясатынын бир бөлүгү.

Эң ири куугунтуктар Крым мусулмандарына каршы болгон. Укук коргоочулардын айтымында, 71 мусулман Крым тургундары ойдон чыгарылган иштер боюнча камакка алынган.

Эл аралык гуманитардык укуктун ченемдерине карабастан, Россия Федерациясы өзүнүн мыйзамдарын Украинага таандык Крымда жайылткан, ал боюнча «Иегованын Күбөлөрүнө» ишенген 8000ге жакын адам мыйзамдын тышында калган. Бул жамааттын эки мүчөсү оккупациялык администрация тарабынан диний ишенимдери үчүн камакта отурушат.

Крымдагы Россиянын оккупациялык администрациясы экстремизмге каршы аракеттенүү жаатындагы мыйзамдарды кыянаттык менен колдонуп жана диний жамааттарга каршы күрөшүү үчүн административдик мыйзамдарды колдонуп жатат.  Административдик кысым УПЧ гана каршы колдонулган жок. Ушул жылы миссионердик иш-аракеттери үчүн Мессиан еврей жамаатынын раввинине жана Алушта мусулман коомчулугунун имамына оккупант тарабынан айып пулду салынган. Жалпысынан, оккупация учурунда, укук коргоочулар Крымдагы диний уюмдарга жана алардын мүчөлөрүнө карата 91 административдик иш ачылганын, анын алкагында жалпы суммасы 1 млн. рубльдан ашкан 73 административдик айып салынганын белгилешти.

Москва Патриархы көзөмөлдөгөн православдык чиркөөлөрдүн гана диний иш-аракеттеринде тоскоолдуктар жок. Биз Россия Федерациясын оккупант-өлкө катары эл аралык укуктун ченемдерин, анын ичинде эл аралык гуманитардык укукту сактоого, Украинанын Православдык Чиркөөсүнө жана Крымдагы башка диний жамааттарга жасалган кысымды токтотууга чакырабыз.