22-ноябрда Украинанын элчилиги Кыргыз Республикасынын Улуттук китепканасында Ар-намыс жана эркиндик күнүнө арналган иш-чара өткөрүлдү.
Иш-чаранын алкагында украин китептеринин көргөзмөсү ачылып, Украина менен Кыргызстандын ортосундагы дипломатиялык мамилелердин 30 жылдыгы белгиленди.
Иш-чарага Украинага тилектеш болгон кыргызстандык активисттер жана бир катар коомдук уюмдардын, Кыргызстандагы «Берегиня» украиндер коомунун, ошондой эле Евробиримдиктин, Германиянын, Франциянын, АКШнын жана Япониянын дипломатиялык өкүлчүлүктөрүнүн өкүлдөрү катышты.
Иш-чара Украинанын жана Кыргыз Республикасынын мамлекеттик гимндерин аткаруу менен башталды.
Элчи Валерий Жовтенко чогулгандарга сөз сүйлөп, ал Ар-намыс жана эркиндик күнүнүн тарыхый маанисин эске салып, украин элинин орус агрессиясына жана Украинанын жайкын тургундарына орусиялык кылмыштуу террорго каршы баатырдык күрөшү тууралуу айтып берди.
Украина менен Кыргызстандын ортосундагы дипломатиялык мамилелерди БУУнун Уставынын негизинде өнүктүрүүнүн маанилүүлүгү өзүнчө белгиледи.
Иш-чарада «Берегинянын» жетекчиси Владимир Нарозя да сөз сүйлөдү.