16-ноябрда, кыргыз тарабынын чакыруусу менен, Украинанын Элчиси В.Жовтенко Кыргыз Республикасынын Тышкы иштер министри Р.Казакбаев менен жолугушту.

Жолугушуунун жүрүшүндө министр Кыргыз Республикасында учурдагы ички саясийдин кырдаалы боюнча маалымат берип, өлкөдөгү бардык саясий процесстер укуктук талаага кайтып келгендигин белгиледи.

Ошондой эле, жалпы кызыкчылык болгон, эки тараптуу кызматташуунун бир катар маселелери, айрыкча эл аралык уюмдардын алкагындагы кызматташтык жана өз ара колдоо боюнча маселелер талкууланды.

Эки өлкөнүн ортосундагы саясий диалогду жана экономикалык, социалдык, маданий-гуманитардык кызматташтыкты өркүндөтүү боюнча маселелерине өзгөчө көңүл бурулду.