14-ноябрда Элчи Валерий Жовтенко адам укуктары боюнча “Бир дүйнө Кыргызстан 2022” эл аралык даректүү тасмалар фестивалынын ачылышында сөз сүйлөдү.
Элчи адам укуктарын коргоо темасы 2022-жылы Орусиянын Украинага кылмыштуу аскерий агрессиясы жана адам укуктарынын массалык түрдө бузулушуна, кылмыштуу киши өлтүрүүлөргө жана орус баскынчылары тарабынан карапайым калкка, атап айтканда балдарга жана аялдарга карата зордук-зомбулукка байланыштуу курчуганын баса белгиледи. Украинанын куралдуу күчтөрү тарабынан Херсон шаары бошотулушуна өзгөчө көңүл бурулду, бул Украинанын оккупацияланган аймактарын бошотуудагы Украинанын кезектеги жеңиши экендигин белгиледи.
Элчинин сөзүнөн кийин украиналык  «Доброго вечора, ми з України» (“Кутмандуу кеч, биз Украинаданбыз!”) деген ыр жаңырды.
Фестивалдын расмий ачылыш аземин, согуштан улам Европа өлкөлөрүнө кетүүгө аргасыз болгон украиналык балдар менен психологдордун маектерине негизделген, “Биз кеттик. Украиналык балдардын үнү» тасмасы жыйынтыктады.